Биз, Кыргыз Республикасынын профсоюздарынын 700 000 мүчөсү, учурда КРнын Жогорку Кеңешиндекаралып жаткан, Кыргыз Республикасынын “Кесиптик кошуундар жөнүндө” мыйзам долбоорун кабыл алууга каршыбыз.

Мыйзам долбоордо:
1. Иштеп жаткан жарандардын көз карандысыз кесиптик кошуундарга биригүү укугу жана эркиндиги чектелип жатат;
2. Пенсионерлер жана окуучулардын кесиптик кошуундарга биригүүсүнө тыюу салынган;
3. Профсоюздардын өз алдынча уставын иштеп чыгуу, ишмердүүлүгүн уюштуруу, программасын түзүү аракетин, профоргандардын структурасын аныктоо укугу бузулуп жана чектелип жатат.

Мыйзам долбоордун бул жоболору Кыргыз Республикасынын Конституциясына (4,6,35-б.), Эмгек боюнча эл аралык уюмдун №87 “Биригүү эркиндиги жөнүндө”, №98 “Профсоюздарга биригүү жана жамааттык сүйлөшүүлөрдү жүргүзүү укуктарынын принциптерин колдонуу жөнүндө” Конвенцияларына карама-каршы келет.

Мыйзам долбоорду кабыл алгандан кийинки тобокелдиктер жана натыйжалар төмөнкүдөй:

Коррупциялык схема өрчүйт жана коррупция гүлдөйт;
ВСПнын программасынан Кыргызстан чыгарылат, буга ылайык биздин өлкө евросоюздун өлкөлөрүнө 6000 аталыштагы товарларды үстөксүз экспортоого укук алган;
Эл аралык санкциялар жана эл аралык уюмдардан чыгарылышы мүмкүн;
Эл аралык программалардын жеңилдиктери да токтотулат;
Өлкөнүн имиджи өзгөрөт;
Өлкөнүн башчысынын имиджине доо кетет;
Чакан жана орто бизнеске сокку болот жб

Урматтуу Сооронбай Шарипович, аталган мыйзам долбоорду өткөзбөөңүздү суранабыз.

Петицияга кол коюу

Жаңылыктар

Мен - биригүү эркиндиги үчүн!